د کرکټ نړیوال جام؛ هند او نیوزلنډ نن نیمه پای لوبه کوي
- 11 مياشتي دمخه (15/11/2023)
- سمسور نیوز
- 419
د ۲۰۲۳ کرکټ نړیوال جام د نیمه پای لوبې پړاو نن پیلېږي.
ټاکل شوې، چې نن چهارشنبه به د هند او نیوزیلنډ ترمنځ د ممبۍ په ونکډې سټډیوم کې سیالي ترسره شي.
دا سیالي د افغانستان پر وخت شاوخوا یوه بجه پیلېږي.
د ۲۰۲۳ کرکټ نړیوال جام نیمه پای لوبو ته اسټر لیا، هند، نیوزیلنډ او جنوبي افریقا لوبډلو لار موندلې ده.
هند په روان نړیوال جام کې د ګروپي دور ټولې نهې لوبې ګټلي او تر دې دمه د جدول په سر کې ده.
نیوزیلنډ بیا له نهو لوبو پنځه ګټلي او د څلورم ټیم په توګه یې نیمه پایلوبې ته لار پیدا کړې.
بله نیمه پایلوبه پنجشنبه د اسټرالیا او جنوبي افریقا تر منځ پلان شوې.
افغان لوبډلې هم په دغه نړیوال جام کې نهه لوبې وکړې، چې د پاکستان په شمول یې څلور لوبډلې ماتې کړې.