سمسور

فوټبال: افغان لوبډله نن له قطر سره مخامخېږي

• 1 کال دمخه (16/11/2023)
• سمسور نیوز
• 528

ټاکل شوې، چې د افغانستان د فوتبال ملي لوبډله نن په دوحه کې د قطر له ملي لوبډلې سره مخامخ شي.

د افغانستان د فوتبال فدراسیون ویلي، چې دغه لوبه د ۲۰۲۶ کال د فوتبال د نړیوال جام لپاره د مقدماتي لوبو د دوهم پړاو په ترڅ کې ترسره کیږي.

له قطر سره دې لوبې ته د افغان لوبډلې په ترکیب کې څو نوي لوبغاړي هم شامل شوي. 

د افغانستان د فوټبال ټیم مشر روزنکي اشلي مایکل، چې نوې یې دنده پیل کړې، په یوه خبري کنفرانس ویلي، لوبډلې یې دې لوبې ته ښه تیاری نیولی د اسیا جام له اتل سره له لوبې وېره نه لري.

د افغانستان ټیم د مقدماتي لوبو په دې پړاو کې له قطر، کویټ او هند سره په یوه ګروپ کی دی.