پروان کې ۸۰ تنو مېرمنو ته د کار زمینه برابره شوې
- 1 کال دمخه (14/12/2023)
- شریف ولیزاد
- 476
د پروان ولایت په مرکز چاریکار کې د ممیزو د پروسس او بسته بندۍ په یوه کارخونه کې د خصوصي سکټور له خوا ۸۰ تنو مېرمنو ته د کار زمینه برابره شوې ده.
د یاد شرکت د ښځو برخې مسؤله انیسه وایي، په دغو ښځو کې ډېری یې هغه مېرمنې دي چې د کور سرپرستې وې او د کار له پاره یې بل څوک نه لرل.
انیسې له سرپرست حکومت څخه غوښتي چې دې ته ورته نور شرکتونه هم جوړ کړي؛ تر څو له یو لوري خلکو ته د کار زمینه برابره او له بل لوري ورسره صنعت وده وکړي.
په یاد شرکت کې په کار بوختې مېرمنې له دغه کاره خوښې ښيي او وایې چې اوس د خپل کور اړتیاوې پوره کولای شي.