لغمان کې لګېدلی اور مهار شو؛ ۱۲۰ جریبه ځنګل سوځېدلی
- 11 مياشتي دمخه (15/12/2023)
- سمسور نیوز
- 405
د لغمان د علیشنګ ولسوالۍ د مایل درې په رنجون غره کې لګېدلی اور تېره ورځ په بشپړه توګه مهار شوی دی.
د لغمان د پېښو پر وړاندې د مبارزې او چمتووالي ریاست مسوولین وایي، چې په دغې اور لګېدنه کې ۱۲۰ جریبه ځنګل سوځېدلی دی.
مسوولین زیاتوي، چې یاد اور د ولسي خلکو او ولایتي ادارې په هڅو کنټرول شوی دی.
دا اور له تېرې دوشنبې راهیسې بل شوی و، چې د سیمې خلک یې په کنټرول کې پاتې راغلي وو.
په اور لګېدنه کې چاته ځاني زیان نه دی اوښتی.
لاهم د یادې اور لګېدنې علت معلوم نه دی.