ایران تېره میاشت ۶۰ زره افغان کډوال افغانستان ته راشړلي
- 10 مياشتي دمخه (30/12/2023)
- سمسور نیوز
- 419
یو شمېر ایراني رسنیو خبر ورکړی دی، چې دغه هېواد تېره میاشت ۶۰ زره افغان کډوال له خپلې خاورې اېستلي دي.
د ایران برنا رسنۍ د خراسان رضوي ولایت د سرحدي قوماندان سردار مجید شجاع له قوله ویلي، چې اېستل شوي افغانان ټول بې اسناده وو او دغه لړۍ لا هم روانه ده.
ایران په وروستیو کې د بې اسناده افغان کډوالو د نیولو لړۍ چټکه کړې ده.
د خراسان رضوي ولایت چارواکو ویلي، له قانوني اسنادو پرته ټول هغه کډوال به وباسي، چې په ایران کې اوسېږي.
د ایران په شمول پاکستان هم وروستیو میاشتو کې سلګونه زره افغانان په بد وضعیت کې له دغه هېواده اېستلي دي.