بغلان کې د بورې فابریکې له څو کلن ځنډ وروسته بیا فعالیت پیل کړ
- 9 مياشتي دمخه (28/01/2024)
- سمسور نیوز
- 364
د یادې فابریکې د پرانېستو پر مهال د دولتي شرکتونو عمومي رئیس عبدالحمید اخندزاده ویلي چې دغو شرکتونو د دولت ۶۰ فیصده پانګه برابروله؛ خو په تېرو دوه لسیزو کې ورته هیڅ پام ونه شو.
په همدې حال کې د بغلان والي عبدالرحمن حقاني د یادې فابریکې پر پرانیستو خوښي څرګنده کړې او ویلي یې دي، چې دوی د دا ډول اقداماتو هر اړخیز ملاتړ کوي.
بل لورته سرپرست حکومت ویاند ذبیح الله مجاهد پر خپله ایکس پاڼه لیکلي چې په دې فابریکې کې به ۱۰۵۰ کسانو ته د کار زمینه برابره شي.
د مجاهد په خبره، دا ډول اقدام به افغانستان د بورې په برخه کې د خودکفايي لوري ته روان کړي.