یونېسف: ۶۸۶ زره افغان ماشومانو ته مو د زده کړو زمینه برابره کړې
- 9 مياشتي دمخه (05/02/2024)
- سمسور نیوز
- 381
د ملګرو ملتونو د ماشومانو وجهي صندوق یونېسف ویلي، چې په تېر یوه کال کې یې نږدې ۷۰۰ زره افغان ماشومانو ته د سیمهییزو ټولګیو له لارې د زده کړو زمینه برابره کړې ده.
یونیسف پر خپله اېکس پاڼه لیکلي، چې تېر میلادي کال د یونېسف په ملاتړ ۶۸۶ زره افغان ماشومان، چې ۶۰ سلنه یې نجونې دي، په ښه کیفیت یې د سیمهییزو ټولګیو له لارې زده کړو ته لاسرسی پيدا کړی دی.
د یادونې ده، چې یونېسف اداره دا ډول سیمهییز ټولګي په لرو پرتو سیمو کې جوړوي، چې هلته له کلیو او کورونو څخه ښوونځیو لرې وي او اوسېدونکي یې له زده کړو بې برخې وي.
دا په داسې حال کې ده، چې لا هم په لېرې پرتو سیمو کې ډېری ماشومان د ښوونځي د نشت او یا هم د فقر له کبله زده کړو ته لاس رسی نه لري.