سمسور

حسن کاظمي: د دوـ حې له ناستې وروسته به د افغانستان وضعیت ښه لوري ته لاړ شي

• 8 مياشتي دمخه (14/02/2024)
• سمسور نیوز
• 349

د افغانستان لپاره د ایران د ولسمشر ځانګړي استازي او په کابل کې د دغه هېواد سفیر حسن کاظمي قمي ویلي، چې د دوحې له غونډې وروسته به د افغانستان وضعیت بهتره شي.

قمي د ایران له دولتي خبري اژانس ایرنا سره په ځانګړې مرکه کې ویلي، افغانستان تر بل هر وخت زیات د ګاونډیو او سیمه ییزو هېوادونو تعامل او همکارۍ ته اړتیا لري.

نوموړی وايي، د دوحې له غونډې وروسته به له افغانستان سره د نړیوالې ټولنې د اړیکو کچه لوړه شي او د افغانستان وضعیت به ښه شي.

د هغه په وينا، د افغانستان په اړه هره غونډه بايد د دغه هېواد لپاره رغنده رول ولري ترڅو د افغانستان د سياسي او اقتصادي وضعيت له ښه والي سره مرسته وکړي.

د یادونې ده، چې د افغانستان په اړه د ملګرو ملتونو مشورتي غونډه د روانې میاشتې په ۱۸ او ۱۹ مه نېټه د قطر په پلازمېنه دوحه کې د ملګرو ملتونو په کوربه توب جوړېږي، چې اسلامي امارت هم ور بلل شوی دی.