کېنیا کې سېلابونو تر۴۰ زیات کسان وژلي، ګڼ نور ورک دي
- 7 مياشتي دمخه (29/04/2024)
- سمسور نیوز
- 317
د کېنیا په مرکز کې له بارانونو او سېلابونو وروسته د اوبو یو بند مات شوی او اوبه پر کورونو ورننوتې دي.
سیمه ییز چارواکي وايي، دې پېښه کې ۴۲ کسان وژل شوي او لاهم ګڼ خلک ورک دي.
د کېنیا په لوېدیځ کې سېلابونو سړکونه هم ویجاړ کړي دي.
کېنیایي چارواکي وایي، سیمه ته یې ژغورونکې ډلې استولي او د خلکو د را اېستلو عملیات روان دي.
د یادونې ده، چې په کېنیا کې د سېلابونو له امله له تېرې میاشتې راهیسې څه باندې سل کسان مړه شوي.
د کېنیا حکومت د احتمالي خطرونو د مخنیوي لپاره نوی ښوونیز کال هم د یوې اوونۍ لپاره ځنډولی دی.