کونړ او سمنګان کې دوو ځوانانو ځان وژنهکړې
- 4 مياشتي دمخه (14/05/2024)
- سمسور نیوز
- 279
په کونړ او سمنګان ولایتونو کې یو ځوان هلک او یوې نجلۍ ځانونه ویشتي او ژوند یې پایته رسولی دی.
سیمه ییز مسوولین وایي، تېره ورځ د کونړ شیګل ولسوالۍ په اتو کلي کې یوې ځوانې نجلۍ د کلاشینکوف په ډزو ځان وژلی دی.
د مسوولینو په خبره، تر اوسه پېښې انګېزه نه ده روښانه شوې او په اړه یې څېړنې کوي.
ورته مهال، په سمنګان کې هم یو ځوان د ښکاري ټوپک په وسیله ځان وژلی دی.
د یاد ولایت د امنيه قوماندانۍ وياند حشمت الله رحماني ویلي، پېښه تېره ورځ په دره صوف پايين ولسوالۍ کې رامنځته شوې ده.
د سرچینې د مالوماتو له مخې، دغه کس په يوه نانوايي کې کار کاوه.
لاهم د دغې پېښې لامل نه دی په ډاګه شوی.
په ورستیو کې د هېواد په ګڼو ولایتونو کې د ځان وژنې پېښې زیاتې شوې، چې ډېر کله یې لامل فقر، بې کاري او کورنی تاوتریخوالی ګڼل کېږي.