سمسور

د ازبکستان لپاره د سرپرست حکومت سفیر ټاکل شوی

• 2 مياشتي دمخه (18/09/2024)
• شریف الله وليزاد
• 121

د بهرنیو چارو وزارت مسؤلینو په ازبکستان کې د سرپرست حکومت د نوي سفیر د ګومارلو خبر ورکړی دی.

د دغه وزارت مرستیال ویاند حافظ ضیاء احمد تکل  په یوه خبرپاڼه کې ویلي، چې د یاد سفارت لپاره یې شېخ عبدالفغار بحر د دوی د سفیر په توګه ټاکلی دی. 

په خبرپاڼه کې ویل شوي، چې د بحر ټاکل به د دواړو هېودوانو ترمنځ د ډيپلوماټیکو اړیکو په پیاوړتیا کې مهم رول ولوبوي. 

دا پداسې حال کې ده، چې څو ورځې وړاندې په عمان کې د افغانستان د سفارت کارونه د سرپرست حکومت ډيپلوماټانو لخوا پیل شول.

پر افغانستان د ط.البانو له واکمنېدو او نه رسمیت پېژندنې درې کلونه تېرېږي؛ خو مشرتابه یې روانه اوونۍ په کندهار کې یوې غونډې ته ډاډ ورکړی، چې حکومت یې ورځ تر بلې د ښه والي په طرف روان دی.