سمسور

د افغانستان کرکټ الف لوبډله عمان ته ولاړه

• 1 مياشت دمخه (07/10/2024)
• سمسور نیوز
• 44

د افغانستان کرکټ الف لوبډله په یو لړ سیالیو کې د ګډون په هدف عمان ته روانه شوه. 

افغان لوبډله به د دروېش رسولي پر مشرۍ لومړی له کوربه هېواد سره دوه تمریناتي لوبې وکړي او بیا به له عمان او هانګ کانګ سره په درې اړخیزو سیالیو کې برخه واخلي.

دغه راز به افغان لوبډله په درې اړخیزه لوبلړۍ کې له ګډون وروسته، په ایمرجېنګ اسیا جام سیالیو کې هم برخه واخلي، چې د اکټوبر میاشتې په ۱۸مه نېټه به په عمان کې پیل شي. 

افغانستان د دې سیالیو په ګروپ کې له سریلانکا، بنګله دېش او هانګ کانګ سره مل دی.

د افغانستان کرکټ الف لوبډلې دغو سیالیو ته د چمتووالي په هدف کابل کې یو تمریناتي کمپ هم ترسره کړی و.