سمسور

د اسرائیلو په بریدونو کې ۷۴ فلسطینیانو ته مرګ ژوبله اوښتې

• 3 اونۍ دمخه (14/10/2024)
• عبدالبصیر رحمت زی
• 38

د فلسطین د غزې په الاقصیَ روغتون باندې د اسرائیلو د نن سهار بریدونو کې ۷۴ عامو وګړو ته مرګ ژوبله اوښتې ده.

  د انډېپېنډېنټ ورځپاڼې د خبر له مخې، په دغه برېدونو کې څلور فلسطیني وګړي شهیدان شوي او ۷۰ نور زخمیان شوي دي.

خبر زیاتوي چې په روغتون کې د اورلګېدنې له امله د قربانیانو شمېر مخ په زیاتېدو دی.

بلخوا اسرائیلو یاد برید تائید کړی او په خبره یې، په دغه روغتون کې یې د حماس یو مهم مرکز په نښه کړی دی.

پر ټولنیزو رسنیو بیا ددغه روغتون داسې وېډیوګانې نشر شوي چې د عامو وګړو سوځېدل پکې ترسترګو کېږي.