افغانستان د درې اړخیزه سیالیو اتلولي وګټله
- 1 اونۍ دمخه (26/11/2024)
- شریف الله وليزاد
- 21
د افغانستان ۱۹ کلني کرکټ ملي لوبډلې د درې اړخیزه ۵۰ اوریزي لوبلړۍ په پایلوبه کې د پاکستان ۱۹ کلني کرکټ ملي لوبډلې ته په ۲۱ منډو ماته ورکړه او اتلولي یې وګټل.
په دې لوبه کې افغانستان د نهو لوبغاړو په سوځېدو پاکستان ته ۲۵۱ منډي هدف ورکړ او د افغانستان لپاره برکت ۷۹ تر نورو زیاتې منډي جوړي کړې.
سیالې لوبډلې د یاد هدف په تعقیب کې د ټولو لوبغاړو په سوځېدو ۲۲۹ منډي جوړي کړې او لوبه یې افغانستان ته وبایلل.
دا لوبلړۍ د افغانستان، پاکستان او متحده عربي اماراتو ۱۹ کلنو کرکټ ملي لوبډلو ترمنځ جوړه سوې وه او د افغانستان په بریا سره پای ته ورسېده.