سمسور

له افغانستان سره د ګازو او تېلو لابراتوار جوړولو ژمنه شوې

• 1 مياشت دمخه (10/03/2025)
• شریف الله ولیزاد
• 58

د کانونو او پټرولیم وزارت وايي، د قرغزستان او اذربایجان هېوادونو پلاوو ژمنه ورسره کړې، چې په افغانستان کې به د ګازو او تېلو یو معیاري لابراتوار جوړوي. 

یاد وزارت نن په یوه خبرپاڼه کې ویلي، چې دغه ژمنه د یادو هېوادونو د کانونو وزارتونو پخوانیو مرستیالانو الماس بیک تومانوف او ازر شکوروف او پلاوو یې د دغه وزارت له سرپرست هدایت الله بدري سره په یوه لیدنه کې کړې ده. 

سرچینه زیاتوي، چې بدري د یادو هېوادونو د ذکر شوې ژمنې هرکلی کړی او د کانونو د قوانینو په رڼا کې یې د هر ډول همکارۍ ډاډ ورکړی دی.