سمسور

خپلواکه، ټولنیزه او فرهنګی خپرونه

غزل

2020-09-21

دغه یم مخ ته دې ولاړ یم ستـــــا پـــــام نـــشته نــــــشته
که دې په سترګو کې د میــــــنې ســــلام نــــشته نشته

نن خاموشي ده، ته مبــــــهوت یې زه حیران دریان یم
ستا د وړو وړو خبــــــــــرو دوام نـــشتـــــه نــــــشتــــــه

چې را په یاد شې نو زړګـــي تــــه دا تــــسل ورکــــوم
دلته د دغه رنګ احســــاس احتــــــرام نـــــشته نشته

چې تر لمانځه وروسته به زه ستا په دیدن پسې تلم
هغه شېبې د مازدیګر او ماښام نــشـــته نـــشــــــته

دغه کوڅه وه پورې بام و، تې پــــر ســــــــــــر ولاړه
د تور جهاز له ړوند ګوزاره اوس بام نشته نــــشته

کماله هغسې یې نشت کړې د جــــنـــګونــو کفار
لکه په زړونو چې زمونږه آرام نــــشتــه نــــشــــته


جون ۲۲- ۲۰

ښاغلي محمدالله کمال شعرونه - نور

1. غزل
2. غزل
3. غزل
4. خوب
5. له مینې تېښته
6. غزل
7. د خپلې ګرانې مور په ویر کې
8. غیر طبیعي موسم
9. غزل
10. غزل
11. غزل
12. غزل
13. له تا وتښتم او تاته بېرته راشم
14. غزل
15. غزل
16. غزل
17. پرمختګ
18. د شپانه سندره
19. زما سر مه پرېکوه