2020-09-21
ورک شمه په خاورو کې په زر کې را پیــــــــــدا شــــــمه
زه نو پس له مرګه لر او بـــــــــر کــــــــې را پیــــــــدا شمه
تاته مخامخ شمه غــــــایــــب لـــــه دې دنــــــیا شـــــــمه
بېرته دې د سترګو په نــــــظر کـــــــې را پــــیدا شـــــمه
شور یم شور د مینې محبت که مې څوک حس کړي نو
ګوره مې د ښکلي زړه په سر کې را پــــیدا شــــــــــــمه
زه په پښتو ژبه دومره خوږ شم لکه خـــــوږ جـــانـــان
کله چې غزل شم او هنــــــرکــــــــې را پــــــیدا شـــــمه
ستا د سپینو لېچو د بنــــــګړیـــو شرنګهار ته جان
پټ د ولو شاته په ګودر کې را پــــیــــدا شـــــــــــمه
کار لرم روزګار لرم او ټوله ورځ په کـــــور نــــه یم
راشه که مې ګورې مازدیګر کې را پـــــــیدا شمه
جار شمه کماله د یادونو خوی مــــــې واخـیستو
داسې چې په زړه د خوږ دلبر کې را پـــــیدا شمه
جون ۲۱ – ۲۰۰۶