که خندا غواړې ژړا کړه لکه شمعه
ځان کړه ویلې زړه رڼا کړه لکه شمعه
که یاران غواړې خوشحاله په محفل کې
خوله خندا په بې ریا کړه لکه شمعه
که ایثار دچا نه غواړې ځان ایثار کړه
په سره اور کې مشغلا کړه لکه شمعه
په رښتیا که خدمتګار دخپل ټولي يې
په ولاړه شپه سبا که لکه شمعه
تړمې تړمې اوښکې غورځوه ځګر ته
زړه په سرو اوښکو صفا کړه لکه شمعه
اور دې واچوه هستۍ ته بیا رهبر شه
تیارې وڅېره ځلا کړه لکه شمعه
په سره ژبه دې دشمن ته ځواب ورکړه
دوست په مخکې رهنما شه لکه شمعه
اې (هاشمه) دا دخولې خبرې نه دي
په عمل کې ځان فدا کړه لکه شمعه