ګرا نې اوس خوزه انجام يم ته اغاز يې
زه څــــــــــرګند يمه ښکاره يمه ته راز يې
زه دمــــــــــــرګ خوا ته روان يمه ورکيږم
تـــه دنـــــــــــــوي ژوندانه نوی انداز يې
زه پوهيږم چې زه څوک وم اوته څوک وې
ګرانې مونږه ديوه چمن ګـــــــــــــــــــــلان وو
مونږه دواړه ديوې نغمې ســــــــــرونـــــــــــه
مونږه دواړه دښکلا ترجـــــــــما نــــــــان وو
مونږ دحسن په حسينه جـــــــــزيـــــــره کې
اوسيدلو ته تصوير وې زه هنـــــــــــــداره
دخپل ذات په لټون دواړه ګر ځـــــــــېدلو
زه مزل ومه اوته وې زمــــــــــــــــــــــــــــا لاره
دژوند نښې نښانې مو را پيداکـــــــــــړې
تېرې هېرې زما نې مو را پيداکــــــــــــړې
دښکلا او محبت ورک داستــــــــانـــــونه
ډيرې ورکې يارانې مو را پيدا کـــــــــــړې
چې دخپل تخليق جواز مورا پــــــــــيداکړ
فلسفه دمحبت مورا پـــــــــيداکــــــــــــــــــړه
چې خالق مو په ځانونو کې محـــسوس کړ
سلسله دحقيقت مــو راپـــــــــــــــــــــيداکړه
مونږه دواړه مېـــــــــــــنان ديـــــــــــوه بل شو
مونږه دواړه غلامان ديوه بــــــــــــــــــــــل شو
دا په داچې ته ډيوه شوې زه پتنګ شوم
مونږه دواړه فدا يــــــــــــــــــان ديوه بل شو
زه ايره شومه دشپــــــــې په بڼه خور شوم
ته رڼا شوې ته دلمر پــه څېر خورۀ شوې
زه دغره په بڼه ودرېـــــــــــــــــدم پر ځمکه
ته دعشق دسمندر په څېر خــورۀ شوې
دخزان په طلايي غـــــــوندې موسم کې
بلبلان چې زمزمـــــــــــــــــــه دفراق وايي
دغه سر او سوز زما او ستــــــا ارواده
چې رباب کله نغمه دفـــــــــــراق وايــي
له هغې ورځې چې مونږ سره جدا شو
سره ورک شو سره بېل سره پنا شو
لکه تخم سره بېرته را زر غون شو
دښا ېست په کا ئنات کې را پيدا شو
زه په رنګ کې را پيدا شوم ته په نور کې
دواړه ودرېدو دحـــــــــسن په حضور کې
زه دمېو په پياله کـــــــــې مد هوشي شوم
ته موسکۍ شو ې په نشه کې په سرور کې
زه دګل له خو شبو يې سره پريشان شوم
ته شبنم شوې په ګــــلابو کې ويدۀشوې
زه دسوز او سرور سوځنده څپه شوم
ته مستي شوې په شرا بو کې ويدۀشوې
نن چې مونږ ه بس يــــــــو بل سره پيدا کړل
په دې منځ کې زما نـــــــــــــــــــــه ده ډيره تېر ه
زمونږ مينه يو هېر شوې غو ندې خوب دی
تر پيړيو اوږده شپه ده ډيــــــــــــره تـــــــــېر ه
زه ستا مخې ته حيـــــــــران غوندې ولاړ يم
ته زما مخې ته ودرېـــــــــــــــــــــــــدې حيرا نه
ته لا اوس نوې دژوند خواته را درو مــــــــــې
زه دمرګ خواته روان يمـــــــــــــــــــــــــه جا نانه
که ته غواړې چې مونږ دواړه سره يو ځای
تل ترتله دلته پاتــــــــــــــــــې شو ژوندي شو
نو راځه ته مې نغمه زه بـــــــــــه دې سوز شم
مونږ به دواړه په جهان کې افــــــــــــــا قي شو
2005-03-28
01:47 pm
خير خانه مېنه
کا بل