د حکومت رهبري له فساد سره د مبارزې اراده نه لري

د حکومت رهبري له فساد سره د مبارزې اراده نه لري


  • 11 مياشتي دمخه (08/12/2020)
  • محمد نسیم ستانکزی
  • 299

 

د حکومت رهبري له اداري فساد سره د مبارزې جدي اراده نه لري.

د اداري فساد پروړاندې د مبارزې شبکې مسئولانو د ډسمبر نهمې د فساد پر وړاندې د مبارزې نړیوالې ورځې د نمانځنې پر مهال د حکومت رهبري تورنه کړه، چې له فساد سره د مبارزې جدي اراده نه لري او د فساد اړوند قضیو سره سیاسي چلند کوي.

دوی وايي، چې حکومت اداري فساد سره د مبارزې په اړه په ملي او نړیوالو غونډو کې ژمني کوي خو تر دې دمه یې د کړو ژمنو د عملي کولو لپاره کوټلي ګامونه نه دي اخیستي.

فقر، مخدره توکي او د ناامنیو تر څنګ اداري فساد بله هغه ستره پدیده ده، چې په هېواد کې یې د پرمختګونو پر وړاندې خنډونه رامنځ ته کړي دي.

دا په داسې حال کې ده، چې حکومت د فساد سره د مبارزې لپاره مختلفې ادارې رامنځ ته کړې، چې د فساد ضد د دغو ادارو باوجود افغانستان د نړۍ د سترو مفسدو هېوادونو په کتار کې راځي.