سمسور

لوګر کې ۳۶۰ کیلوګرامه خام چرس نیول شوي

• 3 کاله دمخه (11/02/2021)
• محمد نسیم ستانکزی
• 1152

د لوګر ولایت امنیتي مسوولین وایي پولیسو د مرکز پل علم اړوند ابچکان سیمه کې د ځانګړو عملیاتو پر مهال ۳۶۰ کیلو ګرامه خام چرس له یو موټر سره یو ځای نیولي.

د لوګر امنیه قوماندان فیض الله غیرت وايي د نیول شویو نشه یي توکو د قاچاق په تور څوک نه دي نیول شوي خو زیاتوي چې د نیول کیدو پر مهال یې له قاچاق کوونکو سره وسله واله نښته هم شوې او قاچاق کوونکي په تیښته بریالي شوي.

امنیه قوماندان وایي تر خپلې وسې به د نشه يي توکو د قاچاق او کاروباریانو د مخینوي لپاره هڅې وکړي.