سمسور

بدخشان کې ۴ کان کیندونکي مړه او ۳ ټپیان شوي

• 3 کاله دمخه (22/02/2021)
• محمد عزیر ستانکزی
• 1093

د بدخشان ولایت سیمه ییز چارواکي وایي ددغه ولایت په راغستان ولسوالۍ کې د غره د ښویدو له امله د سرو زرو کان ۴ کان کیندونکي مړه شوي او ۳ نور ټپیان دي.

چارواکي وایي د ورښتونو له امله د کان یوه برخه غورځیدلې او کان کیندونکو ته یې مرګ ژوبله اړولې ده.

د چارواکو په وینا د پیښې ټپیان روغتون ته لیږدول شوي خو د مړو شویو کسانو د هویت په اړه څه نه دي ویل شوي.

د معلوماتو له مخې هرکال د بدخشان په راغستان ولسوالۍ کې د سرو زرو د موندلو لپاره د کیندنو پر مهال د کانونو د راغورځېدو له امله کان کیندونکو ته مرګ ‌ژوبله اوړي.

راغستان ولسوالۍ د بدخشان له نا امنو سیمو ده چې خلک په کې د سرو زرو د استخراج لپاره خپلسرې کیندنې کوي.