سمسور

بغلان کې د ۸ وسله والو طالبانو وژل کیدل

• 3 کاله دمخه (01/03/2021)
• محمد عزیر ستانکزی
• 1115

د بغلان امنیه قومانداني وایي تیره شپه په یاد ولایت کې د افغان ځواکونو د ځانګړو عملیاتو په لړ کې ۱۱ وسله والو طالبانو ته مرګ ژوبله اوښتې ده.

د امنیه قوماندانۍ له لوري په خپره شوې خبرپاڼه کې راغلي چې افغان ځواکونو تیره شپه د پلخمري د دویمې حوزې اړوند حسین خیلو سیمه کې ځانګړي عملیات ترسره کړي چې په لړ کې یې ۸ وسله وال طالبان وژل شوي او ۳ نور ټپیان دي.

د خبرپاڼې له مخې دغه عملیات د پولیسو د ۸۸۸ ځانګړې قطعې له خوا ترسره شوي.

مسوولین وایي چې ددغو عملیاتو پر مهال د وسله والو طالبانو یوه اندازه وسلې هم د پولیسو لاس ته ورغلي دي.

وسله والو طالبانو تر اوسه په دې اړه څه نه دي ویلي.