سمسور

د ایرلینډ او نیدرلینډ تر منځ فاینل لوبه نن ترسره کېږي

• 3 کاله دمخه (07/06/2021)
• حضرت علي میاخېل
• 1299

د ایرلینډ او نیدرلینډ تر منځ د درې یو ورځینیو لوبو وروستۍ لوبه نن شاوخوا دوه بجې شروع کېږي. دغه لوبې چې د نیدرلینډ هېواد په کوربتوب ترسره کېږي ۲۰۲۳ کال نړیوالو جام ته د لار موندلو لپاره د سوپر لیګ پړاو لوبې دي. له دې وړاندې په دغه سیریز کې یوه لوبه نیدرلینډ او یوه لوبه ایرلینډ لوبډلې ګټلې وه. که نن هره لوبډله لوبه ګټي نو؛ ددغه سیریز ګټونکې به اعلانیږي.

د ایرلینډ او نیدرلینډ تر منځ په وروستیو پنځه سیالیو کې درې ایرلینډ، یوه نیدرلینډ ګټلې او یوه لوبه مساوي شوې ده.

۲۰۲۳ نړیوال جام ته به هغه لوبډلې لار پیدا کوي، چې تر یاد کاله یې په اته غوره لوبډلو کې نوم شامل وي.