سمسور

افغان ځواکونو تېرو ۲۴ ساعتونو کې ۱۶۵ طالبانو ته مرګ ژوبله اړولې

• 3 کاله دمخه (08/07/2021)
• رفیع الله نقیب زی
• 1257

افغان ځواکونو په تېرو ۲۴ ساعتونو کې په چاڼیزو عملیاتو، هوایي بریدونو او له طالبانو سره په مخامخ نښتو کې ۱۰۷طالبان وژلي او ۵۸ تنه نور یې ټپیان کړي او همدا راز د طالبانو یوه اندازه وسلې او مهمات یې هم له منځه وړي دي.

د ملي دفاع وزارت وایي، چې په یاده موده کې ۱۱ بېلابېل ډول ماینونه چې طالبانو د هېواد په مختلفو سیمو کې ځای پرځای کړي وو، د ملي اردو ځواکونو له لوري کشف او خنثی شول.

باید وویل شي، چې طالبانو ته یاده مرګ ژوبله د هېواد په لغمان، لوګر، پکتیکا، خوست، بلخ، فاریاب، هلمند، نیمروز، بدخشان، کندوز، تخار او کابل ولایتونو کې اوښتې ده.