حامد کرزی: د دولتي ادارو د چلښت لپاره د سرپرست حکومت اعلان ضرور وو
- 3 کاله دمخه (09/09/2021)
- سمسور نیوز
- 1105
پخواني ولسمشر حامد کرزي د طالبانو لهلوري د نوې کابینې اعلان ته په غبرګون کې ویلي چې، د خدماتو د ارائیې او دولتي ادارو د چلښت لپاره د سرپرست حکومت اعلان ضرور وو.
د کرزي مطبوعاتي دفتر د مالوماتو لهمخې، چې نوموړي ویلي افغانستان بډای ټولنیز جوړښت لري - د ښځو په ګډون د هېواد هر وګړی په حکومت او واکمنۍ کې د ګډون او ولس ته د خدمت حق لري.
هغه دغهراز زیاته کړې، پهدې اړه لازمه ده هغه نیمګړتیاوې چې په اعلان شوې سرپرسته کابینې کې تر سترګو کېږي ژر تر ژره رفع شي، څو د هېواد ټول وګړي په حکومت کې خپل ځان وویني او یو ځای په پوره ملي يووالي او اتفاق د یو آباد، هوسا، او پرمخ تللي افغانستان لپاره کار وکړي.