متقي: د سیمې هېوادونه دې تر نورو ژر مونږ په رسمیت وپېژني
- 3 کاله دمخه (17/10/2021)
- خالد سهار
- 1128
د بهرنیو چارو سرپرست وزیر امیرخان متقي په خپله تازه مرکه کې ویلي، د نړۍ لهخوا د افغانستان د نوي دولت په رسمیت پېژندل به وخت ونیسي؛ خو د ده په خبره، چې سیمهییز هېوادونه باید تر نورو ژر دوی په رسمیت وپېژني.
متقي دغهراز زیاته کړې، چې امریکا باید د افغانستان ملي پانګه ژر تر ژره خوشې کړې او دغه هېواد دې د افغانستان په بیا رغونه کې هم رغنده برخه واخلي.
د هغه په خبره، چې دوی له واشنګټن نه هم د دوه اړخیزو اړیکو غځول غوښتي او هیله لري، چې ټول هېوادونه له افغانستان سره ښې دوستانه اړیکې وپالي.
نوموړي همدا راز ویلي، چې له نړۍ سره د افغانستان د نوي دولت اړیکې ورځ تر بلې د ښه کېدو په حال کې دي.
متقي دا څرګندونې داسې مهال کوي، چې لا هم د نړۍ هېڅ هېواد د افغانستان نوی دولت په رسمیت نهدی پېژندلی او د دې هېواد په رسمیت پېژندلو لپاره یې خپل شرایط هم اعلان کړي.