حنفي: تېرو شلو کلونو کې د دولت عواید شخصي جيبونو ته تلل
- 2 کاله دمخه (15/01/2022)
- سمسور نیوز
- 941
سمسور (جمعه د مرغومي۲۵) د طالبانو د حکومت ریاستالوزرا مرستیال عبداسلام حنفي وایي، په تېرو ۲۰ کلونو کې د افغانستان عواید د خلکو شخصي جیبونو ته تلل.
نوموړي نن د مالیاتو اوونۍ پرانستغونډه کې چې په کابل کې ترسره شوه وویل، چې د پخواني حکومت مسوولینو خپل شخصي ګټې پاللې او عواید هم شخصي جیبونو ته تلل.
ښاغلي حنفي ټینګار کړی چې له دې وروسته به دغه عواید په شفاف ډول راټول او د دولت خزانې ته انتقال شي.
هغه دغه راز ویلي، چې د دوی حکومت خلکو ته مسوول او ځواب ویوونکی دی او هڅې دا دي چې د عوایدو ټولولو پروسه په ښه ډول پرمخ ولاړه شي.
په یاده غونډه کې د طالبانو حکومت ویاند ذبیحالله مجاهد هم له خلکو غوښتي، چې خپلې مالیې ورکړي.
د هغه په خبره، مالیه د یو هېواد له پاره د ستون فقرات حیثیت لري، اولسونه باید د مالیې په ورکړه کې ډېره هڅه وکړي.