سمسور

کندوز کې د هاوان مرمۍ د چاودنې له امله دوه ماشومانو خپل ژوند بایللی

• 2 کاله دمخه (28/05/2022)
• سمسور
• 621

سمسور (۷غبرګولی۱۴۰۱) کندز کې ځایي چارواکي وایي، چې په دغه ولایت کې د هاوان مرمۍ د چاودنې له امله دوه ماشومان وژل شوي او یو بل ټپي دی. 

د کندوز د امنیې قومنداني ویاند عبیدالله عابدي رسنیو ته ویلي، چې دغه پېښه نن سهار د کندوز ښار اړوند د «باغ میري» په سیمه کې شوې ده. 

د مالوماتو له‌مخې، په یاده سیمه کې ماشومانو د هاوان مرمۍ پر ناچاودې سرګلولې لوبې کولې، چې چاودنه پر شوې او له امله یې دغو ماشومانو ته مرګ‌ژوبله اوښتې ده. 

باید یاده شي، چې تر دې وړاندې هم د هېواد په یو‌ شمېر ولایتونو کې د جګړو پرمهال د پاتې شویو ناچاودو توکو له امله ګڼ شمېر هېوادوالو ته مرګ ژوبله اوښتې ده.