د پاکستان سفیر: د کابل له نوي حکومت سره د نېکو اړیکو غوښتوونکي یوو
- 2 کاله دمخه (01/06/2022)
- سمسور
- 708
سمسور (۱۱غبرګولی۱۴۰۱) په کابل کې د پاکستان سفیر ویلي، چې حکومت یې له اسلامي امارت سره د نیکو اړیکو غوښتوونکی دی.
هغه دا څرګندونې د ا.ا د کډوالو او بېرته را ستنېدونکو چارو وزير خليل الرحمن حقاني سره په کابل کې د لیدنې پر مهال کړې دي.
د راپورونو له مخې، په دې لیدنه کې ښاغلي حقاني ویلي، چې ا.ا د پاکستان په ګډون له ټولو ګاونډيو هېوادونو سره پر متقابل احترام ولاړې نېکې اړيکې غواړي.
د مالوماتو پر بنسټ، په دې کتنه کې دغه راز په پاکستان کې د افغان کډوالو د وضعيت او ستونزو په اړه هم خبرې شوې دي.
د کډوالو چارو وزير د کډوالو په اړه د افغانستان، ايران او پاکستان د درې اړخيزې غونډې پر ژر تر سره کېدو ټينګار کړى دى.
هغه زیاتوي، چې په يادې غونډې سره په ايران او پاکستان کې د افغان کډوالو ستونزې حل شي.