پاکستان: د افغانستان پر لاره مو منځنۍ اسیا ته د صادراتو زمینه برابره شوې
- 2 کاله دمخه (17/10/2022)
- سمیر احمد
- 928
سمسور نیوز (۲۶تله۱۴۰۱) پاکستاني چارواکي وایي، د افغانستان له لارې یې منځنۍ اسيا ته د صادراتو زمینه برابره شوې ده.
په روسیه کې د پاکستان سفیر شفقت علي خان ویلي، چې په لومړي ځل یې هېواد ته د افغانستان له لارې منځنۍ اسيا ته د صادراتو زمینه برابره شوې ده.
هغه د روسیې ټاس خبري اژانس ته ويلي، چې د افغانستان له لارې منځنۍ اسيا ته د پاکستان د صادراتو لېږد شااوخوا يوه مياشت وخت نيسي.
نوموړي د دغو صادراتو د کچې په اړه څه نه دي ویلي؛ خو څرګنده کړې یې ده، چې دا صادرات د پام وړ دي.