د ملا برادر په مشرۍ د ملي تدارکاتو کمېسیون جوړ شو

د ملا برادر په مشرۍ د ملي تدارکاتو کمېسیون جوړ شو


  • 1 کال دمخه (13/12/2022)
  • سمسور نیوز
  • 879

سمسور نیوز (۲۲لېندۍ۱۴۰۱) د رییس الوزرا اقتصادي معاونیت وایي، د اسلامي امارت د مشر شېخ هبت الله اخندزاده د حکم پر اساس یې د ملي تدارکاتو کمېسیون جوړ کړی. 

په همدې تړاو خپرې شوې اعلامیه کې راغلي، چې د دغه کمېسیون مشري به د رییس الوزرا اقتصادي مرستیال ملاعبدالغني برادر په‌غاړه ولري.

په چارو کې د روڼتيا تامینول، د موثرو خدماتو وړاندې کول، د تدارکاتي ستونزو حل لارې موندل او د تدارکاتي چارو تنظيم د دغه کمیسیون مهمې دندې ښودل شوي دي.

د یاد کمیسیون غړي د مالیي او اقتصاد وزارتونو سرپرست وزیران، د چارو ادارې لوی رییس او د پروژې پر بنسټ د اړوند سکتوري وزارت سرپرستان دي. 

 دا په داسې حال کې ده، چې افغانستان له سخت اقتصادي ناورين سره مخ دی او خلک ېې د مهارولو لپاره د ا.ا له مشرانو څخه د مسلکي کادرونو د ګومارلو غوښتنه کوي.