ازبکستان: پر افغانستان مو برېښنا نه ده پرېکړې، د ستوزې پر حل کار روان دی
- 2 کاله دمخه (14/12/2022)
- سمسور نیوز
- 760
سمسور نیوز (۲۳لېندۍ۱۴۰۱) ازبکستان وایي، افغانستان ته د صادراتي برېښنا جریان نه دی درول شوی، بلکې د تخنیکي ستونزې له کبله په کې کموالی راغلی.
د ازبکستان د انرژۍ وزارت له لوري په خپره شوې اعلامیه کې راغلي، چې د ستونزې پر حل کار روان دی او ژر به برېښنا خپل عادي حالت ته راوګرځي.
بل خوا، د افغانستان برېښنا شرکت مسؤلین وايي، په کابل او ۱۱ ولایتونو کې د پرچاویو د کچې راټیټولو په هدف یې د ۶۰ میګاواټو په ظرفیت د تره خېلو حرارتي دستنګاه چالانه کړې ده.
یاد شرکت وايي، په ازبکستان کې د انرژۍ کموالي له امله دغه هېواد افغانستان ته خپله صادراتي برېښنا ۶۰ سلنه راټیټه کړې ده.
د افغانستان برېښنا شرکت مسؤلینو له خلکو غوښتي، چې د برښنا کمېدو ستونزې تر حل پورې زغم ولري.
په همدې حال کې بیا خلک شکایت کوي، چې د برېښنا ډېرې پرچاوۍ له ستونزو سره مخ کړي دي او دوی د ستونزې د ژر حل غوښتنه کوي.