سمسور

بلوچستان کې ماین چاودنې دوه پاکستاني پوځیان وژلي

• 1 کال دمخه (14/02/2023)
• سمسور نیوز
• 600

سمسور نیوز (۲۵سلواغه۱۴۰۱) نن له غرمې وړاندې د بلوچستان د کیچ ولسوالي په «زامران» سیمه کې د سړک غاړې ماین چاودنې له کبله دوه پاکستاني پوځیان وژل شوي دي. 

د راپورونو له مخې، پېښه هغه مهال رامنځ ته شوه، چې پر موټر سایکل سپاره دوه پوځیان سیمه کې په ګزمه بوخت وو، چې د سړک غاړې ته ځای پر ځای شوی ماین پرې وچاودېد. 

تر اوسه د پاکستان حکومت په دې اړه څه نه دي ویلي.

بل لورته د پېښې مسؤلیت هم لا چا نه دی منلی؛ خو هلته وخت ناوخت ورته بریدونه بلوچ بېلتون پال کوي. 

دا په داسې حال کې ده، چې تېره ورځ د بلوچستان په بای پاس سیمه کې هم د یو برید پر مهال د محمد سلیم په نوم یو افسر وژل شوی و او درې نور ټپیان وو.