له کوټې پېښور ته پر لار اورګاډي کې چاودنه شوې
- 1 کال دمخه (16/02/2023)
- سمسور نیوز
- 701
سمسور نیوز (۲۷سلواغه۱۴۰۱) پاکستاني رسنۍ وایي، د پنجاب په چیچه وطني سیمه کې یوه اورګاډي کې چاودنه شوې ده.
پېښه کې د یوې مېرمنې په ګډون دوه کسان وژل شوي او اته نور ټپیان دي.
پاکستاني پولیس وایي، چاودنه په هغه اورګاډي کې شوې، چې له کوټې پېښور ته روان و.
پولیسو زیاته کړې، چې چاودنه د جعفر اېکسپرېس نومي اورګاډي کې شوې؛ خو د څرنګوالي په اړه یې لا معلومات نه لري.
پولیسو د پېښې په اړه جدي څېړنې پیل کړې دي.
خو بل لورته ویل کېږي، چې بلوچ بېلتون پالې ډلې د یادې چاودنې مسؤلیت منلی.