ننګرهار کې تندر لوېدو ۵ کسانو ته مرګ ژوبله اړولې
- 2 مياشتي دمخه (16/11/2024)
- شریف الله وليزاد
- 32
د ننګرهار ولایت مقام مطبوعاتي دفتر وايي، چې د سپین غر ولسوالۍ په سنګر باغ سیمه کې د تندر لوېدلو له امله یو کس وژل شوی او څلور تنه نور ژوبل شوي دي.
دغه دفتر نن په یوه خبرپاڼه کې لېکلي، چې پېښه په یو کور کې رامنځته شوې او ژوبل شوي کسان د جلال آباد حوزوي روغتون ته لېږدول شوي دي.
په خبرپاڼه کي د ژوبلو شویو کسانو له جملې د یوه کس روغتیايي حالت نازک ښودل شوی دی.