نامعلومو وسلهوالو بلوچستان کې دوه پاکستاني افسران وژلي او وسلې یې ترې وړي
- 1 کال دمخه (21/02/2023)
- سمسور نیوز
- 609
سمسور نیوز (۲کب۱۴۰۱) ناپېژندو وسله والو بلوچستان کې د پولیسو پر یوې پوستې برید کړی، چې په پایله کې یې د منظور احمد او محمد اسلم په نومونو دوه افسران وژل شوي دي.
پېښه نن له غرمې وړاندې د بلوچستان په «مستونګ» سيمه کې رامنځ ته شوې ده.
د پاکستاني رسنیو د معلوماتو له مخې، په دې برید کې وسله والو د افسرانو وسلې هم له ځانه سره وړې دي.
په دې وروستیو کې په پاکستان کې پر امنیتي کسانو د بریدونو پېښې زیاتې شوې دي.
که څه تر اوسه د دې برید مسؤلیت چا نه دی منلی؛ خو بلوچستان کې ډېر کله ورته بریدونه د بلوچ بېلتون پالې ډلې کار دی.