سمسور

نډپرایس: ا.ا د دوحې ژمنې نه دي عملي کړي

• 1 کال دمخه (02/03/2023)
• سمسور نیوز
• 621

د امریکا د بهرنیو چارو وزارت ویاند نډ پرایس په یو خبري کنفرانس کې ویلي چې اسلامي امارت د دوحې په تړون کې له دوی سره کړې ژمنې نه دي عملې کړې.

نوموړي زیاته کړې چې په افغانستان کې مېرمنو ته د کار، نجونو ته د زده کړو اجازه  ورکول او د یو ټوله شموله حکومت  جوړول هغه ژمنې وې  چې اسلامي امارت د دوحې په تړون کې کړې وي.

هغه دغه راز ویلي چې واشنګټن د نجونو د زده کړو په اړه په نوي کال کې د اسلامي امارت پرېکړې ته په تمه دی.

دا په داسې حال کې ده چې تېره ورځ د حوت د لسمې په مناسبت جوړې شوې غونډه کې د اسلامي امارت لوړ پوړو چارواکو ویلي چې امریکا د دوحې په تړون کې کړې ژمنې نه دي عملي کړې.