سمسور

ولسشمر غني ټول افغان ملت ته د کرکټ بېګانۍ لوبې ګټلو مبارکي ویلې

• 1 کال دمخه (27/03/2023)
• سمسور نیوز
• 807

د پاکستان پر وړاندې د افغانستان له دویمې بریا وروسته وروستي ولسمشر محمد اشرف غني افغان لوبغاړو او هېوادوالو ته مبارکي ورکړې ده. 

ولسمشر غني افغان لوبغاړو ته په خطاب کې ویلي، په دې سختو نهیلیو او بدمرغیو کې تاسې ګران لوبغاړي پر ډګرونو د ملي بیرغ رپولو ته لار جوړوئ او په دې ډول د هېواد او ولس پر شونډو مسکا راولئ او د راتلونکې هیلې ژوندۍ ساتئ. 

د افغانستان کرېکټ ملي لوبډلې د درې نړيوالو شل‌اوريزو لوبو د لوبلړۍ په دویمه سيالۍ کې د پاکستان کرکټ ملي لوبډلې ته په ۷ وېکټو ماتې ورکړه او یاده لوبلړۍ یې په خپل نوم کړه.