کاپیسا کې د یوه موټر اوښتو پېښه کې شپږ کسه مړه شوي دي
- 1 کال دمخه (31/05/2023)
- سمسور نیوز
- 584
د کاپيسا الهسای ولسوالۍ په «چای خېلو» سیمه کې د يوې ټرافیکي پېښې له امله شپږ کسان مړه او نهه نور ټپيان شوي دي.
د کاپيسا د امنيې قوماندانۍ وياند ویلي، چې پېښه له غره څخه د يوه مازدا موټر د غورځېدو له کبله رامنځ ته شوې ده.
هغه زیاته کړې، چې په دې پېښه کې د يوه ماشوم په ګډون شپږ تنه مړه شوي او د ښځو او ماشومانو په ګډون نهه نور ټپيان دي.
سرچینې د يو شمېر ټپيانو روغتيايي وضعيت نازک بللی دی.