د افغانستان په اړه د اروپایي ټولنې او مرکزي اسیا هېوادونو اندېښنه
- 1 کال دمخه (03/06/2023)
- سمسور نیوز
- 571
د افغانستان په اړه د مرکزي اسیا او اروپايي ټولنې هېوادونو مشرانو په دویمه ناسته کې له نړیوالې ټولنې غوښتل شوي چې له افغانستان سره بشري مرستې زیاتې کړي.
تېره ورځ د افغانستان په اړه د یادو هېوادونو دویمه ناسته په قرغزستان کې پای ته ورسېده.
دا ناسته چې تېره ورځ پای ته ورسېده، په کې د قزاقستان، تاجکستان، ازبکستا، ترکمنستان جمهور رییسانو او د اروپايي ټولنې استازو برخه اخیستې وه.
د ناستې ګډونوالو په یوه ګډه خپره کړې اعلامیه کې له افغانستان سره د بشري مرستو د رسولو په برخه کې د ملګرو ملتونو په همکارۍ ټینګار کړی.
د ناسې ګډونوالو دغه راز په افغانستان کې د پراخ بنسټه حکومت جوړېدو غوښتنه کړې او له اسلامي امارت یې غوښتي چې د ښځو د کار او زده کړو حقونه ورکړي.
په اعلامیه کې راغلي چې دوی په افغانستان کې خرابېدونکي وضعیت ته اندېښمن دي او ټینګار یې کړی چې دوی به د افغانستان پرمختګ، سولې او ثبات لپاره ژمن پاتې شي.
د یادون وړ ده چې تر دې وړاندې د افغانستان په اړه د مرکزي اسیا هېوادونو او اروپايي ټولنې لومړۍ ناسته په تاشکند کې شوې وه.