سمسور

جرمني راتلونکې اوونۍ د خپلو افغان همکارانو د اېستلو لړۍ بیا پیلوي

• 1 کال دمخه (23/06/2023)
• سمسور نیوز
• 520

د جرمني حکومت راتلونکې اوونۍ د خپلو افغان همکارانو د منلو او اېستلو ځنډولې لړۍ بیا له سره پیلوي.   

د یاد هېواد د بهرنیو چارو وزارت ویاند ویلي، چې د جون په ۲۶مه به په افغانستان کې د جرمني د مخکینیو سیمه ییزو کارکوونکو او له ګواښ سره د نورو مخ افغانانو ته د ویزو ورکولو بهیر بیا پیل کړي. 

نوموړي زیاته کړې، چې د افغانانو د منلو بهیر به په راتلونکو اوونیو کې په تدریجي ډول چټک شي او هره میاشت به ۱۰۰۰ کسان ومنل شي. 

د هغه په خبره، د هغو افغان کډوالو د دوسیو څېړل ورته لومړیتوب لري، چې په پاکستان او ایران کې په تمه دي.

جرمني د افغانانو د لېږد پروګرام د روان زېږدیز کال د مارچ په پای کې د ناوړه ګټې اخیستنې د مخنیوي په موخه د لنډې مودې لپاره وځنډاوه.