سمسور

متقي خپل ایراني سیال ته کابل ته د راتګ بلنه ورکړې

• 1 کال دمخه (27/08/2023)
• سمسور نیوز
• 480

د بهرنیو چارو سرپرست وزیر امیرخان متقي له خپل ایراني سیال سره په خبرو کې هغه ته افغانستان ته د راتګ بلنه ورکړې. 

د ایران د بهرنیو چارو وزارت په یوه خپره کړې خبرپاڼه کې ویلي چې امیر عبداللهیان په دې خبرو کې په افغانستان کې د تل پاتې ثبات لپاره د ټولو لورو پر همکارۍ ټینګار کړی دی.

هغه په خپلو خبرو کې د تسنیم خبري اژانس د خبریال خوشې کېدو، او د هلمند په سیند کې د ایران پر حقابې ټینګار کړی.

سرچینې کابل ته د امیر عبداللهیان له لوري د بلنې د منل کېدو یا ردېدو په اړه څه نه دي ویلي.

دا په داسې حال کې ده چې تازه د یاد هېواد د پارلمان اووه کسیز پلاوی کابل ته راغلی، چې تېره ورځ یې له امیرخان متقي سره لیدلي دي.