نهو ولایتونو کې د اورښتونو او سېلابونو خبرداری ورکړل شوی
- 1 کال دمخه (02/09/2023)
- سمسور نیوز
- 441
د هواپېژندنې ادارې د هېواد په یوشمېر ولایتونو کې نن او سبا د سختو اورښتونو او له امله یې د پراخو سېلابونو د راوتو په اړه خبرداری ورکړی دی.
د یادې ادارې د معلوماتو له مخې، بدخشان، نورستان، کونړ، لغمان، ننګرهار، لوګر، پکتیا، خوست او پکتیکا هغه ولایتونه دي چې د بارانونو اټکل پهکې شوی دی.
د هواپېژندنې ادارې په خپره کړې خبر پاڼه کې زیاته کړې، چې په بېلابېلو سیمو کې د اورښتونو کچه له ۱۵ تر ۳۰ ملي متره اټکل شوې.