د کراچۍ له زندانونو ۶۰ افغان کډوال را خوشې شول
- 1 کال دمخه (25/09/2023)
- سمسور نیوز
- 557
د پاکستان کراچۍ ښار کې د افغانستان قونسلګري وایي، چې د دغه ښار له بېلابېلو زندانونو ۶۰ افغان کډوال ازاد شوي دي.
یادې قونسلګرۍ نن دوشنبه ( د تلې ۳مه) پر خپله اېکس پاڼه لیکلي، چې په خوشې شویو کسانو کې ۱۰ ماشومان هم شامل دي.
دغه ټويټ کې راغلي، چې خوشې شوي بندیان د چمن له لارې افغانستان ته لېږدول شوي دي.
د سرچینې د معلوماتو له مخې، دمګړۍ ۹۰۰ افغان کډوال د کراچۍ ښار په بېلابېلو زندانونو کې بندیان دي او د هغوی د راخوشي کولو لپاره هڅې روانې دي.
دا په داسې حال کې ده چې په ورستیو اوونیو کې پاکستان د افغان کډوالو د نیولو لړۍ تېزه کړې ده او تر اوسه یې سلګونه تنه نیولي او زنداني کړي دي.