د ورکړل شوي مهلت پای؛ پاکستان د افغانانو پر مخ د ښوونځیو دروازې بندې کړې
- 1 کال دمخه (31/10/2023)
- سمسور نیوز
- 466
پاکستان په دغه هېواد کې د هغو ښوونځیو دروازې وتړلې، چې افغان کډوالو په کې زده کړې کولې.
عرب نیوز راپور ورکړی، چې په اسلام اباد او راولپنډۍ کې پنځه ښوونځي، چې افغان ماشومانو ته یې د دوی په ملي ژبه تدریس کاوه، د دوشنبې په ورځ وتړل شول.
په دغو ښوونځيو کې شاوخوا دوه زره زدهکوونکو زدهکړې کولې.
دا په داسې حال کې ده، چې د پاکستان له خوا هلته مېشتو غیر قانوني افغان کډوالو ته ورکړل شوی مهلت نن پای ته رسېږي.
د پاکستان حکومت وایي، سر له سبا د هغو افغان کډوالو د نیولو او جبري اېستلو عملیات پیلوي، چې په دغه هېواد کې د اوسېدو قانوني اسناد نه لري.
له بلې خوا؛ ملګرو ملتونو خبرداری ورکړی، چې جبري ستنول به ممکن بشري ناورین رامنځ ته کړي.