سمسور

بدخشان کې د راغستان سرو زرو کان داوطلبۍ ته وړاندې شو

• 11 مياشتي دمخه (03/12/2023)
• بصیره وزیري
• 383

د کانونو او پټرولیم وزارت وايي، چې د بدخشان د راغستان ولسوالۍ د سرو زرو د کان استخراج په شرایطو برابر د څلورو شرکتونو د طرحو تر ارزونې وروسته به یوه ګټونکي شرکت ته وسپاري.

د دې وزارت سرپرست وايي، چې د دغه کان د استخراج موده ۳۰ کاله ټاکل شوې ده.

د کانونو او پټرولیم سرپرست وزیر دغه راز وايي، چې د اروزګان د فلورایډو او د کندهار او میدان وردګو د مرمرو د درې کانونو د استخراج پروسه یې هم خصوصي شرکتونو ته په قرارداد ورکړې ده.

له دې وړاندې هم د کانونو او پټرولیم وزارت ویلي وو، چې په روان کال کې د ۷ میلیارده ډالرو په ارزښت د ۵۳ کانونو د استخراج تړونونه له کورنیو او بهرنیو شرکتونو سره لاسلیک شوي دي.