له تاجکستان سره د ۲۰۲۴ کال لپاره د برېښنا پېرلو تړون لاسلیک شو
- 11 مياشتي دمخه (27/12/2023)
- سمسور نیوز
- 424
د ۲۰۲۴ کال لپاره د افغانستان برېښنا شرکت او تاجکستان هېواد ترمنځ د برېښنا پېرلو تړون لاسلیک شو.
د افغانستان برېښنا شرکت عمومي اجراییوي رییس ملا محمد حنیف حمزه په ترکیه کې د تاجکستان برېښنا د سهامي شرکت له رییس محمد عمر عسازاده سره په لیدنه کې د ۲۰۲۴ زېږدیز کال لپاره د برېښنا پېرلو تړون لاسلیک کړی دی.
د دې لیدنې په ترڅ کې دواړو لورو له تاجیکستان څخه افغانستان ته د ۵۰۰ کیلوولټ برېښنا نوي لېږد مزي د غځولو په اړه هم خبرې کړې دي.
دا په داسې حال کې ده چې د کابل په ګډون د هېواد په یو شمېر ولایتونو کې خلک د برېښنا له زیاتې پارچاوۍ شکایت کوي او وایي، دې کار له ستونزو سره مخ کړي دي.