بګرام کې د خپلمنځي شخړې له کبله یو تن وژل شوی
- 9 مياشتي دمخه (15/01/2024)
- بصیره میاخیل
- 356
د پروان بګرام ولسوالۍ اړوند په جعفرخېلو سیمه کې د دوو کورنیو د تاوتریخوالي له امله یو کس ژوند بایللی دی.
د پروان ولایت امنیه قومنداني نن په یوه خبرپاڼه کې ویلي، چې دا فزیکي نښته پرون یکشنبه ناوخته په جعفرخېلو سیمه کې د دوو کورنیو ترمنځ شوې ده.
د مسوولینو په وینا یاده پېښه کې د جنګل خان په نامه یو ۶۰ کلن سړی وژل شوی دی.
مسوولینو د دې پېښې لامل د ځمکې په خاطر رامنځتهشوې شخړه بللې او په دې اړه یې د پلټنو د پیل خبر ورکړی دی.
په خبرپاڼه کې دا هم ویل شوي، چې د دې پېښې په تړاو تر اوسه دوه کسان نیول شوي دي.