تر تورخم وروسته؛ د خرلاڅې او غلام خان لارې هم پرانېستل شوې
- 10 مياشتي دمخه (23/01/2024)
- سمسور نیوز
- 415
تر تورخم وروسته له پاکستان سره د پکتيا خرلاڅې او د خوست غلام خان لارې هم پرانېستل شوې.
د پکتیا او خوست د سوداګرۍ خونو مسؤلین وایي، چې له پاکستان سره د غلام خان او خرلاڅي لارې نن سهار بېرته پرانېستل شوې دي.
اوس مهال یوازې په پکتیکا ولایت کې د انګور اډې لاره د ټرانزېټ پر تړلې ده.
د پکتیکا ولایت مقام ویاند امین الله مندیزي ویلي چې یاده لار د دواړو غاړو غوښتنې نه منل کېدو له امله د پاکستاني لوري له خوا تړلې پاتې ده.
د تورخم دروازه نن سهار تر یوولسو ورځو تړل کېدو وروسته د بار وړونکو موټرو پر مخ بېرته خلاصه شوه.
تورخم او نورې ټرانزېټي لارې له دې امله تړل شوې وې، چې پاکستاني لوري له موټر چلوونکو د پاسپورت او ویزې غوښتنه کوله.